26 May 2019

Evdəki bakteriya və virusların qənimi 

24 Yanvar 2019
97

Kinkan bitkisi tərkibindəki maddələrin zənginliyinə və bir çox xəstəliklərin müalicəsində əla vasitə olmasına baxmayaraq, əksər insanlar nə onun adını, nə də onunla necə qidalanmaq lazım olduğunu bilmirlər. 
Dövlət Aqrar Universitetinin professoru Zaur Həsənov:” Kinkan sitrus bitkiləri ilə bir fəsiləyə daxil olsa da, ayrıca sərbəst növdür. Meyvələri xırda (1-3 santimetr diamterində), parlaq narıncı rənglidir. Meyvəsi və meyvə qabığı sərinləşdirici, turşaşirin tamlı, ətirlidir. Kinkan meyvələri antiaterosklerotik və öskürəkkəsici təsirə malikdir. Ürək-damar xəstəlikləri, piylənmə, yuxarı tənəffüs yollarının öskürəkli xəstəliyi zamanı faydalıdır.
Bu meyvə antibakterial, atialkoqol və qənnadı məmulatı kimi də yüksək qiymətləndirilir. Qabığı zərif və zəngin tərkibli olduğundan soyulmadan yeyilir. Qabığı efir yağları və maddələri ilə zəngindir. Onu evdə, isti yerdə saxladıqda bakteriya və viruslara qarşı mübarizə aparır. Əksər Asiya ölkələrində qabığı oda yaxın yerdə qoyurlar ki, onun təsiri artsın. Kinkan əsəbləri sakitləşdirir, depressiyanı aradan qaldırır, iştahanı artırır və həzmi asanlaşdırır. Tərkibi C və A vitaminləri ilə zəngindir. Güclü alkoqollu içkidən sonra bir-iki meyvə yeyildikdə orqanizm yenidən normal vəziyyətə qayıdır. Kinkan meyvələri Şərq ölkələrində göbələk yoluxmaları, nəfəs yollarının xəstəliyi zamanı geniş istifadə olunur.
“Azərtac” 
 

CV YARAT